Бұл туралы EurasiaPluse ақпарат агенттігі хабарлады. 28 сәуірде кардиналдардың жабық жиналысында жаңа Папаның сайлану тәртібі бекітілді. Папа Франциск 21 сәуірде 89 жасында инсульттен қайтыс болды. Оның жерлеу рәсімі 26 сәуірде Әулие Петр алаңында өтті, оған 200 мыңнан астам адам қатысты. Франциск Папаның соңғы тілегі бойынша, ол Ватиканның дәстүрлі жерлеу орны емес, Римдегі Санта-Мария-Маджоре базиликасында жерленді.
Конклавта 80 жастан аспаған 135 кардинал дауыс бере алады. Сайлау Сикстин капелласында өтіп, кардиналдар жабық есіктер ішінде дауыс береді. Дауыс беру нәтижесі бойынша шыққан түтіннің түсі шешімнің қабылданғанын көрсетеді: қара түтін – нәтиже жоқ, ақ түтін – жаңа Папа сайланды дегенді білдіреді.
Қазақстан Президенті Х әлеуметтік желісінде: «Мен Рим Папасымен кездесулерімді және оның 2022 жылы Қазақстанға жасаған дәрежелі сапарын және діни төзімділік, бейбітшілік пен өзара түсіністіктің символы ретінде еске аламын. Рим Папасы Франциск әрқашан бейбітшіліктің ұлы жақтаушысы және конфессияаралық диалогтың қорғаушысы ретінде әлем тарихында қалатын болады», – деп атап өтті.
Фото: inform.kz сайтынан алынды