Өзбекстан мен Швейцария конфискаланған активтерді қайтару туралы келісімге қол қойды.
Келісімге сәйкес, 182 миллион АҚШ доллары көлеміндегі қаражат Өзбекстанға қайтарылады. Бұл қаражат кезінде республика азаматтары тарапынан заңсыз иемденіліп, 2012 жылы Швейцарияның Бас прокуратурасы Гүлнара Каримоваға қатысты қозғалған қылмыстық іс аясында толық тәркіленген.
Қаражат қалай қайтарылады?
Конфискаланған активтер Біріккен Ұлттар Ұйымының «Uzbekistan Vision 2030» көпжақты траст қоры арқылы Өзбекстанға беріледі. Бұл қаражат елдің дамуы мен әлеуметтік жобаларға жұмсалмақ.
Қазақстанға қандай сабақ болуы мүмкін?
Сарапшылардың пікірінше, бұл жағдай Қазақстан үшін маңызды белгі бола алады. Егер еліміз де заңсыз шығарылған активтердің Қазақстанға тиесілі екенін дәлелдемесе және оларды қайтару жолында нақты шаралар қабылдамаса, дәл осындай қиындықтарға тап болуы мүмкін.
Бұған дейін Қазақстан билігі де шетелде заңсыз шығарылған активтерді қайтару бойынша бастамалар көтерген. Алайда, нақты нәтижеге қол жеткізу үшін халықаралық құқықтық механизмдерді тиімді пайдалану қажет.