Ысык-Атада жол тыгынынан качып өтүүгө аракет кылган жол тандабастар кагышты (видео)

Turmush — Чүй облусунун Ысык-Ата районунун аймагында Бишкек—Нарын—Торугарт айланма жолунда жол тандабас унаалардын катышуусунда жол кырсыгы катталды. Бул тууралуу аймактык кабарчыга күбөлөр билдирди.

Күбөлөрдүн айтымында, жол жасалып жатканына байланыштуу тыгын аябай чоң болууда.

«Көпчүлүк унаалар өз катары менен кетип жатышат. Бирок арасынан саналуу унаалар тыгындан качып, жолдун чети менен чаң сапырып өтүшүүдө. Мындан улам «Mercedes-Benz G-Класс» жана «Toyota» үлгүсүндөгү жол тандабас унааларынын катышуусунда жол кырсыгы болду», – деди күбөлөр.

Чүй ОИИБ боюнча ЖКККБнын басма сөз кызматы окуя боюнча тактап жатат.