Видео — Денис Петрашовго Америкада жеңиш алып келген жарыш

АКИpress –  Кыргызстандык Денис Петрашов Америкада өткөн эл аралык турнирде дагы бир алтын медаль утту.

«TYR Pro Swim Series» турниринин кезектеги этабы Флорида штатынын Форт-Лодердейл шаарында 30-апрелде башталган. Мелдештер 3-майга чейин уланат.

1-майда кыргызстандык спортчу 100 метрге брасс стилинде сүзүү боюнча финалга чыкты. Жыйынтыгында Петрашов 59,23 секунд убакыт менен биринчи болуп, алтын медаль тагынды.