Таластагы көргөзмөдө арашан токтусу рекорд коюп, 37 миң долларга сатылды

Turmush — Кечээ, 29-апрелде Айтматов районунун Аманбаев айылында арашан койлорунун көргөзмөсү өттү. Бул тууралуу аймактык кабарчыга уюштуруучулар билдирди.

Маалым болгондой, анда Чүйдөн алынып келинген арашан породасындагы токту (2 жаштагы ургаачы кой) 37 миң 500 долларга сатылган.

«Бул арашан породасындагы койдун ээси Алтынбек. 2 жаштагы токтунун бою 95 сантиметр, кулагынын узундугу 23 сантиметрди түзөт. Бул токту белгилүү “Камыш” аттуу арашан кочкорунун небереси», – деп билдиришти.