Таласта милиционерлердин футбол командасы облустук мелдеште 100 миң сом утуп алды

Turmush — 25-26-апрель күндөрү президенттин Талас облусундагы ыйгарым укуктуу өкүлүнүн кубогуна арналган, мамлекеттик, муниципалдык кызматкерлер жана мекеме-уюмдар арасында кичи футбол боюнча мелдеш өттү.

Маалым болгондой, 2 күндүк таймашка жалпы 26 команда катышты. Жыйынтыгында 1-орунга Талас ОИИБдин командасы ээ болуп, Кыргыз Республикасынын Президентинин Талас облусундагы ыйгарым укуктуу өкүлүнүн кубогун жана 100 миң сом акчалай сыйлыгын жеңип алышты.

2-орунду Жол тейлөө ишканасы, 3-орунду «Банкир» командасы алды.