Россияда үч кыргызстандыкты жер көчкү басып калды

АКИpress –  3-майда Орусиянын Геленжик шаарында курулуш аянтында жер көчтү.

КР Тышкы иштер министрлиги билдиргендей, кырсыктын кесепетинен үч жумушчу – Кыргыз Республикасынын жарандары И.А.С., Э.у.Э. жана Д.Е.А. урандылардын астында калган. Дагы бир КР жараны С.К.О ооруканага жеткирилди.

Окуя болгон жерде Орусиянын тиешелүү кызматтары тарабынан издөө-куткаруу иштери улантылууда.

Бул окуя боюнча курулуш иштерин жүргүзүүдө коопсуздук эрежелерин бузуу фактысы менен кылмыш иши козголду.