Бул тууралуу EurasiaPluse маалымат агенттиги билдирди.
АКИpress – Президент Садыр Жапаров Улуу Ата Мекендик согуштун ардагерлерине бир жолку материалдык жардам көрсөтүү жөнүндө тескемеге кол койду. Бул маалыматты Президенттин администрациясынын басма сөз кызматы 28-апрелде билдирди.
2024-жылдын 1-апрелине карата Кыргызстанда Улуу Ата Мекендик согуштун 32 ардагери жашап жатканы айтылган.
Ардагерлерге 100 миң сом өлчөмүндө бир жолку материалдык жардамды төлөөгө президенттин фондунан 3 млн 232 миң сом бөлүү тапшырылат.
Акча каражаты:
− Улуу Ата Мекендик согуштун майыптарына;
− Улуу Ата Мекендик согуштун катышуучуларына;
− Экинчи дүйнөлүк согуш мезгилинде нацисттер жана алардын союздаштары тарабынан түзүлгөн концлагерлердин, геттолордун жана башка мажбурлап кармоо жайларынын жашы жете элек туткундары болгон адамдарга;
− 1941-жылдын 8-сентябрынан тартып 1944-жылдын 27-январына чейинки блокада мезгилинде Ленинград шаарындагы ишканаларда, мекемелерде жана уюмдарда иштеген, «За оборону Ленинграда» медалы менен сыйланган адамдар жана «Жителю блокадного Ленинграда» белгиси менен сыйланган жарандарга тапшырылат.
Сүрөт: akipress.org сайтынан алынды