Кыргызстанда туристтик ишканалардын саны акыркы эки жылда кыйла көбөйдү

АКИpress –  Өлкөдө туристтик ишмердүүлүктү жүргүзгөн чарба жүргүзүүчү субъекттердин саны 2024-жылдын жыйынтыгы боюнча 2 306ны түздү, бул тууралуу расмий статистикадан белгилүү болду.

Бул көрсөткүч 2023-жылга салыштырмалуу 65 компанияга же 2,9%га көп.

Ошол эле учурда акыркы бир нече жылда тармакта активдүү өсүш байкалууда:

• 2022-жылдан 2023-жылга чейин туристтик ишканалардын саны 541 компанияга же 31,8%га өскөн;
• 2010-жылдан 2024-жылга чейин туристтик тармактын субъекттеринин саны 1 286 компанияга же 126,1%га көбөйгөн.