Бул тууралуу EurasiaPluse маалымат агенттиги билдирди.
Turmush — Бишкек шаарынын мэриясынын муниципалдык инспекциясы тарабынан Новопавловка аймагында агынды сууну өз билемдик менен агызган жаранга 5000 сом айып салынды.
Текшерүү учурунда О.А.Ж. аттуу жаран мончодон чыккан канализациялык сууну Чоң Чүй каналына агызганы аныкталган.
Бул аракет Кыргыз Республикасынын Укук бузуулар кодексинин 179-беренесинин 2-бөлүгүнө ылайык мыйзам бузуу болуп эсептелип, тиешелүү протокол түзүлдү.
Буга чейин Turmush басылмасы аталган тургунга чара көрүлөрүн жазган.
Маалыматка караганда, Новопавловка жана Алтын-Ордо айылдарына жакын жерде белгисиз жарандар мончодон чыккан саркынды сууну Чоң Чүй каналына төгүп жатканын жергиликтүү тургундар видеого тартып алышкан. Алар тиешелүү мекеме-кызматтарга арыз менен кайрылып, чара көрүүнү суранышкан.
Бишкек шаарынын мэриясынын муниципалдык инспекциясы унаа ээсин табууга көмөк көрсөтүү үчүн кайгуул кызматына кат жолдонорун жана андан соң чаралар көрүлөрүн кабарлаган.
Сүрөт: akipress.org сайтынан алынды