Бишкектен Ысык-Көлгө кошумча автобустар каттап баштады

Turmush — 1-майдан баштап, Бишкектин автобекетинде аймактарга кетчүүлөр аябай көп болгондугуна байланыштуу (өзгөчө Ысык-Көлгө) автобустар менен Балыкчыга чейин жеткиришти. Бул тууралуу жүргүнчүлөр билдиришти.

Жүргүнчү Айдана Шаршенбаеванын айтымында, бүгүн, 2-майда саат 10:00дө автобекетке келген.

«Кичи автобустар келээри менен толуп калып жатты. Эл аябай көп. Анан “автобус келет, күтүп тургула” деди. 12:15те жылдык. Автобус Балыкчыга чейин жеткирди. Балыкчыдан ары кичи автобустарга түштүк. Балыкчыга чейин 200 сом төлөдүк. Балыкчыдан Түпкө, Караколго чейин 400 сом менен келдик. Ошол бойдон Түпкө 18:30да кирип бардык», – деди ал.