Бишкекте гольф кар менен электр самокаты сүзүштү

АКИpress –  Бишкекте электр самокатынын катышуусунда жол кырсык катталды, деп билдирди 2-майда Милициянын кайгуул кызматы.

1-майда кечки саат сегиз жарым чамасында Раззаков көчөсүндө балдарды ташыган гольф кар бара жаткан. Аны 1976-жылы туулган О.М. башкарып бараткан. Гольф кар Пушкин көчөсү менен кесилиште солго бурулуп жатып 2005-жылы туулган Ж.Б. башкарып бараткан электр самокаты менен кагышкан.

Ж.Б. ооруканага жеткирилди.

Бул факт боюнча тергөөгө чейинки текшерүү жүрүп жатат.